9.2 . Texto literario:
Aquilino Iglesia Alvariño (Seivane, 1909 - Santiago, 1961) Premio día das letras galegas (1986) segue a corrente da poesía humanística rural, mais tamén se ocupa das traduccións duns clásicos latinos e da lexicografía. Escribiu Señardá (1930), Cómaros verdes (1947) que era o primeiro libro escrito en galego e publicado en Galicia despois da Guerra Civil, Nenias (1961) e A comedia da oliña (1961) entre outras obras. O seguinte texto vén de Cómaros verdes, ed Celta, Vilagarcía de Arousa 1947 p. 39.
Oración do sapo
Señor, que estás nun reculliño de sombra,
e andas sempre por camiños de noite,
e cantas cada hora e cando o teu cantar
sin que ninguén se mole de Ti.
Líbranos, Señor,
das cousas que andan a correr.
Dos pucheiros cheos de auga, nas hortas,
e da boca das cobras,
e da roda dos carros,
e de tódolos bichos malos,
Dainos, Señor,
un alpendre de sombra e de luar
para cantar.
e un carreiriño de vagalumes
polas hortas vizosas do teu reino.
