22.1
Xosé Luís Méndez Ferrín ( Ourense 1938-) é un dos escritores máis importantes da Galiza de Hoxe, cunhas obras cumes da literatura galega. É mestre da poesía e do relato, sobre todo os relatos dun mundo máxico, mais tamén cultiva a novela, con exemplos coma Arrabaldo do norte (1964), Retorno a Tagen Ata (1971), Bretaña, Esmeraldina (1987), e No ventre do silencio (1999). Na súa poesía, domina o existencialismo e trata das eternas preguntas do silencio de Deus, e por qué consente o mal, etc, e mostra unha preocupación constante pola morte. O pasado sempre está presente na súa obra e os seus contos teñen nostalxia dun tempo pasado. exemplos da súa producción lírica son Voce na néboa (1957), Con pólvora e magnolias (1976) e Estirpe (1994). O seguinte texto vén de Arrabaldo do Norte ed. Galaxia, Vigo 1964, p. 88.
O doutor olla de arredor e, súpeto, atalla ao home.
-Imos ver ese reservado.
-Xa lle digo. Non é posible, doutor Kleines. Vostede teña en conta. Eu son novo eiquí. Son forasteiro.
O doutor olla de redor. Atalla ao home.
-Imos ver ese reservado.
-------
Sobor da grande mesa de trazado perfectamente elíptico, hai dúas grandes cuncas, cheas ata a metade de viño moi escuro, cáseque completamente negro e de moita densidade. Darredor das cuncas hai cinco círculos de viño, formados evidentemente polas cuncas ao descansaren tendo a súa base húmida. Nun curruncho do reservado, a seis metros da grande mesa, está a pequena mesa, baixa, con dous vasos de vidro enriba, dous vasos cheos ata a metade dun zume intensamente roxo. As altas paredes do reservado son lisas e brancas, dun branco lixado que tende a marelo.
O doutor Kleines está sentado de xeito que lle dá as costas á parella, mentres o home pode ollalos de frente. Pode o home ollar de frente á parella pero non o fai. Ten, eso sí, concentrada a vista no interior da súa cunca, fixos os ollos no viño, fixos os ollos e medio pechados.
Juan A. Thomas, Ph.D.
Juan A. Thomas, Ph.D.
Associate Professor of Spanish, Chairman of the Foreign Language Department
1600 Burrstone Rd
Utica, NY 13502
Utica, NY 13502
jathomas@utica.edu
(315) 792-3028