I. Carlos Casares
Carlos Casares (Ourense, 1941 - 2002 ) xornalista, profesor, director de editorial Galaxia, director da revista Grial, membro da Real Academia Galega. A súa primeira obra de relatos breves é Vento ferido (1967), seguida polas novelas, Cambio en tres(1969), Xoguetes pra un tempo prohibido (1975), Ilustrísima (1980), Deus sentado nun sillón azul (1996) entre outras. Cultiva a biografía, a narrativa xuvenil, o teatro e unha colección da súa obra xornalística publicouse en 1994 Na marxe de cada día. O seguinte texto é de Vento ferido ed Galaxia, Vigo 1967 p 67.
A Tronada Saíu á porta e mirou para o ceo. Estaba azul. Alguén lle preguntou desde dentro:
-¿Que tal fai?
-Inda non se ven nubes- respondeu.
Pero el estaba seguro. Tiña que vir. Doíalle unha perna e sentía coma un niño de avésporas no corazón.
-Vas quedar mal.
Meteuse para dentro e pensou: "Non vou quedar mal, non". Sentouse nun banco e pediu outro vaso. As moscas facían un ruído coma de rezos. El lembraba unha tronada do ano corenta. Non se colleitara nin para a semente. Fora tamén por este tempo. E viñera igual: unha dor na perna esquerda e nin cacho de nubes. O ceo era azul coma hoxe. Despois fóronse xuntando uns nubarróns negros por riba do Pico do Mediodía ata que comenzou aquel ruído xordo todo seguido, que durou deica a noite ben entrada. Non quedara nada.
O taberneiro di: "Virá con pedra"
-Virá.
-Non conviña.
Non tiña ganas de falar. Agora doíalle tamén a cabeza. Dentro de dúas ou tres horas - sabíao ben-, doeríalle a caluga. Entón non lle quedaría máis remedio que rirarse debaixo do alpendre, sobre da herba, a se emborcallar coma un can adoecido. E aguantar así toda a noite, sen pechar ollo, para amencer á mañá seguinte coas pálpebras inchadas e a frente adormecida.
Juan A. Thomas, Ph.D.
Juan A. Thomas, Ph.D.
Associate Professor of Spanish, Chairman of the Foreign Language Department
1600 Burrstone Rd
Utica, NY 13502
Utica, NY 13502
jathomas@utica.edu
(315) 792-3028