O tempo Hai xa unha semana que Lelo está contento. Veu a neve. Un luns de Nadal, sobre do día, empezou a nevar. Cairon falopas e falopas. Ao abrir do día, Vilanova estaba branquexada. Lelo foi á escola e ás doce acabouna. As bólas cruzaron o aire a todos os xeitos e moitas deron onde debían dar. O frío escorrentouse axiña.
En cambio, ao avó despois da boa outonía de San Martiño, anubróuselle o ánimo, e dispúxose a soportar unha invernía de auga e xeada. Non choveu nin xeou, pero nevou abondo. O tío Pepe arrechegouse á beira do lume a agardar a primavera. Nin Nadal nin febreiro, co seu antroido, lle prestaban unha migalla.
Tampouco lle ía moi aló o mal tempo ao médico. As friaxes traían sempre enfermos; e ter que saír ao intemperie noite tras noite deixábao tan aterecido coma un carambelo.
A Rosario dáballe tanto xullo coma agosto ou marzo. Dicía sempre, fose mércores, xoves ou domingo, que estaba atafegada de traballo. Carme saltáballe que de verán se podía ir á praia, gozar do sol e poñerse moura coma un carbón. A Henrique, ecléctico, todo lle daba igual. Nunha noite clara, sen vento, coas estrelas alumeando nas pozas das corredoiras ao remate dunha troula, viña tan ledo coma á luz do luar do Ano Vello, despois de lle facer as beiras a unha rapaza xeitosa. Carme di que a lúa o aparva, que perde o norte e que o mellor é buscalo ao abrigo dunha taberna, ao quente da lareira.
Pero, aínda que non o digan, san Xoán e Santiago, coas súas tardes longas, cos solpores mornos e coa caída da noite fresca, son do agrado de todos. Por algo é o bo tempo.
Juan A. Thomas, Ph.D.
Juan A. Thomas, Ph.D.
Associate Professor of Spanish, Chairman of the Foreign Language Department
1600 Burrstone Rd
Utica, NY 13502
Utica, NY 13502
jathomas@utica.edu
(315) 792-3028