Lectura A Casa A casa dos de Souto é coma outras da aldea. Ten dous pisos: o baixo e mailo sobrado. No baixo está a cociña; no sobrado os cuartos ou habitacións, o cuarto de baño e un corredor. Os cuartos son: o comedor, o cuarto de estar e os cuartos de dormir.
Os pais, Antón e Rosario, dormen na mellor habitación. Ten unha porta que dá á galería, onde no verán dá o sol todo o día. Dentro hai unha cama de matrimonio cunha grande sobrecama que xa fora dos avós. As sabas e mailo cabezal bordounos Rosario antes de casaren. A cabeceira da cama, na parede, hai un cuadriño coa figura da Virxe, e unha alfombra aos pés. Unha consola con espello e un armario acaban de compoñer a moblaxe da habitación. O piso e mailo teito son de madeira.
Carme e o tío Pepe teñen cadanseu cuarto. Henrique e Lelo dormen na mesma habitación. Lelo é sempre o primeiro dos irmáns en erguerse, porque, como el di, se entra Carme antes no cuarto de baño, tería que marchar á escola sen se lavar; e como non fai mais que estar diante do lavado mirándose no espello!.
No cuarto de estar é onde a familia pasa os seráns. Antes facíanse na cociña, ao redor da lareira, pero desque puxeron a televisiçon, soben ao sobrado despois da cea. Nesta habitación hai tamén, amais das cadeiras de brazos e as cadeiras, unha mesa redonda, a librería de don Antón con algúns libros (os mais deles están no seu despacho), unha lámpada de pé e o reloxo de parede.
A consulta e mailo despacho están xuntos. A Lelo non lle deixan pasar a porta destas habitacións, para que non rompa as xiringas, termómetros e outros aparatos de seu pai. Unha vez, cando era máis pequeno, conseguiu entrar sen que o visen e encheu tódolos pasos da escaleira coas menciñas que ía sacando dos armarios. A nai castigouno toda a tarde ás escuras no faiado polo que fixera. El di que daquela era pequeno, pero que agora xa pode entrar, porque é máis grande.
Juan A. Thomas, Ph.D.
Juan A. Thomas, Ph.D.
Associate Professor of Spanish, Chairman of the Foreign Language Department
1600 Burrstone Rd
Utica, NY 13502
Utica, NY 13502
jathomas@utica.edu
(315) 792-3028